Хэрэгцээг ойлгох чадамж 

Siri таны сүүлийн үеийн мессеж, мэйл болон note дээрээ хадгалсан мэдээллүүдийг шинжилж үзээд нөхцөл байдалд хамгийн нийцсэн хийх зүйлсийн жагсаалтын сонголтыг санал болгоно. Яаралтай хийх ёстой зүйлс, хийхээ мартсан зүйлс зэргийг сануулах гэх мэт. Тэр ч байтугай ярианы хэв маяг, зан байдлыг таньж мэддэг болох юм. Өөрөөр хэлбэл ямар сэтгэл зүйтэй байгаагаас чинь шалтгаалаад санал болгох хувилбарууд өөр өөр байх боломжтой ажээ. 

Бүтээмжийг Дэмжих Функц 

Таны хэрэгцээтэй зүйлсийг автоматаар цуглуулах чадвартай болно гэж хэлж болох юм. Хэрэв жишээ нь "Виз мэдүүлэхэд шаардлагатай бичиг баримтуудыг цуглуул" гэж хэлбэл, Siri таны каледарь, имэйлүүд, утас болон компьютер дээрх файлуудыг шүүгээд шаардлагатай бичиг баримтуудыг цуглуулан нэг фолдерт хийгээд өгөх чадвартай болно. Цаг хугацаа, хөдөлмөрийг гайхалтай хэмнэх нь гарцаагүй. 

Хэрэглэгчийн хувийн мэдээллийг хамгаалах чадамж 

Мэдээллүүдийг чинь өөрөө автоматаар шифрлэх, утсаа алдах гэх мэт шаардлагатай тохиолдлуудад хувийн, нууц мэдээллүүдийг төхөөрөмжөөс устгах гэх мэт болон бусад мэдээллийн нууцлалд шаардлагатай үйлдлүүдийг Siri бие даан хийх боломжтой болох юм. Нэг талаараа мэдээллээ төхөөрөмждөө хяналтгүй ашиглуулж байгаа юм шиг боловч гадны цахим халдлагаас хувийн мэдээллээ хамгаалахад нилээдгүй ач холбогдолтой хэрэгсэл байх болно.